紅磡的大石

相片取自 Google Map：



紅磡繞道下面個迴聲處有幾舊大石，到底有咩來頭呢？講真真係唔似藝術品，唔通係有歷史價值？正苦淨係吊高左幾舊大石，睇怕都用左唔少錢，但係又咩標示都冇…… 到底係咩黎架？

點解宜家傢俬既產品質素可以咁差？

呢件咁既打奶器，我前前後後已經爛左5個勒。全部都係內部接點不良過唔倒電唔識郁。唔拆由自可，一拆把幾火：佢裡面既電池接點既設計仲衰過d贈品既小風扇，難怪用得一年半載就打柴！

雖然唔係貴，但都賣幾十蚊架！點解d咁簡單既地方唔做好d？R爆頭！

呢度野我已經永不錄用架勒。

用 iWork 既 Page 開舊 Word 檔案 仲好過用 mac 版 MS Office?

點解用 mac 版既MS Office 開舊既 WORD Document 都會有亂碼，所有中文都睇唔倒，但用 iWork 既 Page 黎開反而靚靚仔仔乜事都冇？MS 咁既 program 都夠膽收你幾千銀，有冇攪錯！

乜宣傳唔係要俾多d人知既咩？

小弟假假地都係一個marketing 人，一向都認為宣傳既目的就係要儘量多人知件事，所以應該無所不用其極地用所有可動用的渠道去發放消息。

點解最高領導人宣傳政改要收收埋埋唔俾人知佢既行程呢？到底佢想宣傳定係反宣傳？真係R爆頭！

點解男裝底褲總是有一個窿既呢？

明明一百個用家都唔會有一個人用呢個窿，咁點解男裝底褲仲係要整呢個窿既呢？簡直係浪費材料同手工！

咁多餘既設計，真係百思不得其解勒！

點解香港電視劇咁鐘意抄橋？唔醜既咩？

今晚有幸睇左15分鐘電視劇“飛女正傳”，當中少芬姐演既女主角有雙重人格，一個善良另一個兇殘，兇殘果個有超能力，兩重人格又會係鏡子中對話……

天啊，那不就是美劇 Heroes 中索女 Niki 既角色翻版！香港電視劇咁多老番橋段，身為創作人既編劇人員唔知醜既咩？監製又可以照批劇本，佢地唔知偷橋不對的嗎？還是創作良心給狗吃了？

真是想不透！

點用好味既食物多數都係唔健康架？

炸大腸、肥叉燒、椒鹽鮮魷…… 點解多數好味既野都唔健康架？

都冇做大型民調，點知咩係主流民意？

冇大型及科學化既民意調查冇咩理由知道民意係點架播，點解d政客可以咁利害既呢？

點解涷飲要加兩蚊？

大多數茶餐廳都有“涷飲加2蚊”既怪規則。加左冰又唔係用左左奶茶咖啡，實在唔明白點解涷飲要加錢。